Rusia është duke pësuar numbje të mëdha në mjete ushtarake në Ukrainë sipas inteligjencës britanike. Një ditë më parë, britanikët theksuan se rusët kanë humbur 25% të fuqisë së tyre ushtarake të dërguar në Ukrainë. Në total sipas britanikëve, rusët momentalisht kanë “jashtë loje” rreth 2/3 të këmbësorisë së dërguar në Ukrainë.
Nisur nga situata e krijuar, BBC raporton duke iu referuar burimeve ushtarake se rusët kanë filluar të nxjerrin prej tuneleve mjetet rezervë për të përmbushur nevojat në fushëbetejë pas humbjeve të mëdha.
Raportohet se gjatë ditëve të fundit nga rezerva ushtarake ruse janë futur në luftin 17 tanke dhe 60 blinda.
Burimet thonë se Rusia ka vazhduar të bombardojë qytetin verilindor të Kharkiv dhe vendbanimet aty pranë.
Forcat e armatosura të Ukrainës thanë se kishin zmbrapsur 12 sulme ruse në rajonet Donetsk dhe Luhansk, duke shkatërruar gjashtë tanke, pesë sisteme artilerie, 22 automjete të blinduara luftarake dhe tetë automjete.
g.kosovari
