Sekretari organizativ i Aleancës Kosova e Re (AKR), Rrahmim Pacolli për gazetën “Zëri”, ka konfirmuar shkarkimin e ministrit të Punëve të Brendshme, Bejtush Gashi, raporton “Zëri.info”.
Në prononcimin e tij Pacolli nuk ka përmendur emra të pasardhësit të mundshëm të Gashit, mirëpo ai ka thënë se arsyeja për shkarkimin e ministrit Gashi është mos performanca e mirë e tij.
Në media sot ka qarkulluar lajmi e zëvendës i Gashit mund të jetë Ekrem Mustafa nga qyteti i Ferizajt mirëpo i pyetur për këtë gjë, Pacolli nuk e ka pohuar e as mohuar lajmin.
“Akoma nuk dihet a vjen z. Mustafa apo ndokush tjetër”, ka thënë ai.
Shkarkimi i Gashit ka ardhur në prag të negociatave që Kosova është duke i zhvilluar për anëtarësim në INTERPOL.
Gashi është ministri i dytë i cili po shkarkohet nga kjo ministri, në kuadër të Qeverisë “Haradinaj” .
/b.d
