Gjeneral Ylber Dogjani mësohet të jetë shkarkuar sot nga detyra që mbante në Ministrinë e Mbrojtjes.
Dogjani ishte prej disa kohësh drejtor i Agjencisë së Inteligjencës së Mbrojtjes. Ai mbante gradën e Gjeneral Brigade, ndërsa drejtonte ish-Shërbimin Informativ të Ushtrisë. Dogjani ishte propozuar nga Berisha dhe dekretuar nga Nishani.
Ministria e Mbrojtjes pritet të bëjë të ditura arsyet e largimit të ushtarakut të karrierës nga drejtimi i AIM, ndërsa shkarkimi i tij ka ardhur me vendim të Kryeministrit.
Struktura në fjalë ka qenë nën akuzë për përgjime të politikanëve. Këtop akuza u formuluan nga Partia Socialiste gjatë kohës që ishte në opozite, e cila pretendonte se AIM kishte blerë edhe pajisje të veçanta për të realizuar përgjimet.
