Kryetarja e deleguar e Bashkisë së Tiranës, Anuela Ristani ka shkarkuar nënkryetaren Sara Goxhaj dhe Sekretarin e Përgjithshëm, Alban Dokushi.
2 vendimet e firmosura nga Ristani mbajnë datën e një ditë më parë, 20 Mars.
Ristani, në një komunikim me mediat u shpreh se në bashki nuk ka asnjë krizë funksionale, siç u pretendua një ditë më parë.
Ajo theksoi se puna vazhdon me të njëjtën energji dhe vizion.
“Nuk ka asnjë krizë funksionale në Bashkinë e Tiranës. Puna vazhdon me të njëjtin vizion dhe me të njëjtën energji”, tha ajo.
