Ka përfunduar takimi mes liderëve të partive politike që u paralajmërua dje. Sipas kreut të LSDM-së Zoran Zaev, shëndeti dhe siguria e qytetarëve janë më me rëndësi se gjithçka tjetër.
Zaev tha se tani kanë obliguar Presidentin e shtetit që të thërras ekspertë dhe të gjejë formulën juridike për shtyrjen e zgjedhjeve, shkruan Gazeta Express.
“Shëndeti dhe siguria e qytetarëve nuk kanë çmim. Në këtë takim vendosem se nuk ka kushte për mbajtjen e zgjedhjeve. Apeloj edhe njëherë që të gjithë t’i qasen me seriozitet situatës dhe të zbatojnë rekomandimet e qeverisë. Besoj se të gjithë e dini ju se sa serioze është kjo situatë shëndetësore për shkak të Koronavirusit. Ju lutemi që të ndihmoni në ndaljen e shpërndarjes së këtij virusi. Sot i dhamë të drejtë Presidentit të Shtetit për thirrjen e ekpertëve dhe gjetjen e formulës juridike për anulimin e zgjedhjeve deri sa të qetësohet situata” tha Zoran Zaev pas përfundimit të takimit.
EDhe kreu i Lëvizjes BESA sot pas takimit të liderëve tek presidenti i shtetit ka deklaruar se janë pajtuar për shtyerje të zgjedhjeve pas krizës shëndetësore shkak i virusit Covid 19.
Sipas tij, shëndeti i qytetarëve është më i rëndësishëm se mbajtja e zgjedhjeve.
“Sot, në takimin e liderëve tek Presidenti i Shtetit, u dakorduam që zgjedhjet e parakohshme parlamentare të shtyhen për një afat të pa caktuar, shkaku i ‘COVID – 19’. Shëndeti i qytetarëvë është më i rëndësishëm se çdo gjë tjetër. Andaj, t’i respektojmë rekomandimet për të qëndruar në shtëpi, sepse vetëm kështu pandeminë mund ta mposhtim më lehtë!”, deklaroi Kasami.
g.kosovari
