“Vrasje e shumfishtë në rrugë”. Kjo është akuza e ka ngritur për të riun shqiptar Alensio Serjani që shkaktoi një tragjedi të vërtetë një natë më parë, siç ishte aksidenti me pasojë vdekjen e tre personave në Itali.
Gazeta Italiane “La Repubblica” shkruan sot se i riu është gozhduar nga testi i alkoolit (pas matjes ka rezultauar të ketë konsumuar tre herë më shumë se limiti i vendosur.
Sakaq prokurorja e çështjes, Mirella Conticelli ka nisur hetimet për të rindërtuar dinamikën e sakta të aksidentit, për të parë se pse “Toyota Aygo” ka marrë flakë menjëherë. Ndërsa, kryetari i komunës së Bisceglie, Francesco Spina vendosi të shpallë ditë zie, ditën e varrimit të viktimave.
Shqiptari i lindur në Barletta, nga prindër shqiptarë, rezidentë prej kohësh në Itali me profesion ishte instruktor tenisi. 22-vjeçari mbrëmjen e djeshme udhëtonte bashkë me shokun e tij, edhe ai shqiptar në një mjet tip ‘Fiat Stilo’ ndërsa u përplas me një makinë tip “Toyota Aygo” ku udhëtonin 3 persona të tjerë, Antonio Montrone, 57 vjeç, Angela Maddalena, 54dhe një grua me origjinë ukrainase, Vitlana Kovalova e 57-vjec.
Këta të fundit, dy gra dhe një burrë humbën jetën pas përplasjes, ndërsa mjeti i tyre u përfshi edhe nga flakët, duke bërë që trupat të karbonizoheshin. Po ashtu, policia hetoi lidhur me faktin se gjatë kohës së aksidentit drejtonte 22-vjeçari apo shoku i tij, ndërsa u konfirmua se ishte ai që shkaktoi tragjedinë. Kjo edhe nga plagët e marra gjatë përplasjes. Pas aksidentit dy të rinjtë kanë lëvizur larg, ndoshta të frikësuar dhe janë gjetur 500 metra larg nga vendi i ngjarjes.
NGJARJA
Aksidenti i rëndë ndodhi dje gjatë natës në në rrugën shtetërore 16a, në periferi të Tran-it në Puglia. Fill pas aksidentit tragjik, shqiptari u dërgua bashkë me shokun në spital, ndërsa ndodhet nën masë arresti. Po ashtu thuhet se dy të rinjtë pas aksidentit ishin larguan nga vendngjarja, për t’u rikthyer sërish, duke lehtësuar disi edhe veprën që kishin kryer.
a.ç
