Policia ka arrestuar drejtuesin e automjetit që u aksidentua sot në fshatin Zvezdë.
Në pranga ka rënë Qazim Tafa 47 vjeç, banues në Elbasan, pasi akuzohet për “Shkelje të rregullave të qarkullimit” pasi makina që po drejtonte doli nga rruga dhe për pasojë mbetën të plagosur përveç tij edhe 4 pasagjerët.
Të plagosurit janë transportuar në Spitalin e Korçës.
Njoftimi i policisë
Specialistët e Sektorit për Qarkullimin Rrugor në Drejtorinë Vendore të Policisë Korçë bënë kapjen dhe arrestimin në flagrancë të shtetasit :
Qazim Tafa, 47 vjeç, banues në Elbasan.
Arrestimi i tij u bë pasi, më datë 24.05.2017 në fshatin Zvezdë, ky shtetas duke drejtuar automjetin tip “Nissan”, me targë NZI 6305, ka dalë nga rruga dhe për pasojë kanë marrë dëmtime shtetasi i mësipërm si edhe katër pasagjerë në mjet shtetasit : E.M, 35 vjeç, banues në Gramsh, F.T, 46 vjeçe, A.T, 19 vjeç si edhe B.T, 49 vjeç, banues në Elbasan, të cilët po marrin ndihmën e nevojshme mjekësore në Spitalin e Korçës.
Materialet i kaluan Prokurorisë të Rrethit Gjyqësor Korçë për veprën penale : “Shkelja e rregullave të qarkullimit rrugor” parashikuar nga neni 290 i Kodit Penal/a.ç
