SARANDË– Një ngjarje e rëndë ndodhi mbrëmjen e kaluar në Sarandë.
Ibrahim Duda 43 vjeç, plagosi me thikë dy vëllezërit në Sarandë për shkak të qenit. Është zbuluar se dy vëllezërit i kishin shtypur qenin me makinë 43-vjeçarit. Ky i fundit kreu aktin e rëndë duke i sulmuar me thikë ata në lagjen numër 4 të qytetit bregdetar.
Duda iu afrua 17-vjeçarit me inicialet K.G duke e qëlluar befas me thikë. Pranë këtij të fundit ishte dhe i vëllai, 16-vjeçar, i cili po ashtu u sulmua nga agresori. Të miturit morën plagë të rënda në kraharor dhe u dërguan menjëherë në spital për mjekim. Nuk dihet se si është gjendja e tyre shëndetësore.
Autori i cili është person me precendent penalë në të shkuarën, pasi ka qënë dënuar për tentativë vrasje dhe për vjedhje e kundërshtim të forcave të policisë, u largua menjëherë nga vendi i ngjarjes.
Policia është në kërkim të tij.
/a.r
