Presidenti i SHBA-ve, Donald Trump, ka kundërshtuar thirrjen e kryeministrit izraelit, Benjamin Netanyahu, për të mos i shitur Turqisë avionë luftarakë F-35.
Netanyahu ka akuzuar presidentin turk, Recep Tayyip Erdogan, për destabilizim të Lindjes së Mesme, ndërsa Ankaraja është shfaqur si një nga kritikët më të zëshëm të fushatave ushtarake të Izraelit në Gaza dhe Liban.
Trump, i cili mbërriti në Turqi për një samit të NATO-s të martën, tha se do të shqyrtonte shitjen e avionëve luftarakë te aleati i SHBA-së.
“Nuk kam shqetësime për asgjë. Dua të them, ai është udhëheqësi i një vendi që e ka bërë shumë më të mirë, shumë më të mirë, shumë më të fuqishëm”, tha Trump, sipas The Hill.
Netanyahu më parë i kërkoi Uashingtonit të mos i japë Ankarasë qasje në avionët e saj më të përparuar luftarakë.
“Nuk mendoj se atyre duhet t’u jepen avionë F-35 ose motorët për avionët e tyre luftarakë, sepse kjo do të prishë ekuilibrin e fuqisë në Lindjen e Mesme, i cili në fund të fundit garantohet nga superioriteti ajror izraelit dhe gjithashtu”, tha Netanyahu për Fox News të hënën.
“Turqia është një vend i madh, por qeveriset nga një njeri që bën thirrje hapur për shfarosjen e Izraelit”, tha Netanyahu.
