Keqardhje sesi përdoret foltorja dhe pensionistët për narrativë politike i ka cilësuar zëvendëskryeministrja Belinda Balluku akuzat e opozitës për bonusin e pensionistëve. Duke sjellë në vëmendjen pensionet para dhe pas vitit 2013, ajo akuzoi opozitën se kur ishte në pushtet shiti hotel Dajtin për të gjetur leket e bonusit të fundvitit për pensionistët.
“Ne jemi PS që kemi bërë reformat shtetformuese. Ne bëmë gjithçka për të vendosur një fond të qenësishëm mbi 100 milionë euro për të mbuluar këtë bonus, që nuk është nga ata që ju bënit kur shitët Hotel Dajtin. E mbani mend si e jepnit bonusin e gjelit të detit juve. Ju keni shitur hotel Dajtin me artificë financiare për të gjetur lekët e pensionistëve. Ju nuk mund ët flisni si një forcë e re sikur jeni shpresa e së ardhmes. Ju jeni ata që e keni pasur 8 vite në dorë për të ndryshuar dhe reformuar pensionet dhe nuk e bëtë. Ju jeni ata që shini hotele për të paguar bonusin. Ne kemi vendosur 100 milionë në buxhetin e shtetit”, u shpreh Balluku.
Ajo premtoi gjithashtu se çmimi i energjisë elektrike do të ulet dhe sërish akuzoi opozitën se kur ishte në pushtet Tirana ishte në errësirë.
“Çmimi i energjisë as nuk është rritur, por do të ulet sikurse ka premtuar Rama. Sot ka energji elektrike në çdo cep të Shqipërisë dhe qytetarët paguajnë atë që konsumojnë. Ndryshe kur jetonim në 2007 e deri në 2013 në mes të Tiranës në errësirë. Kush jemi ne dhe kush jeni ju nuk e sqarojmë në këtë sallë, këtë e sqaron populli shqiptar dhe këtë e sqaron në 11 maj. Ne jemi këtu për të udhëhequr”.
/a.r
Kjo baluku,eshte misi i k/hajdutit,di shume gjera,eshte edhe pa arsimin rreal perkates.