Një 54-vjeçar i identifikuar si Eduart Rexhepaj është arrestuar nga policia e Fierit. Blutë njoftojnë se burri kishte përshtatur lokalin e tij për perdorim dhe shitje të kokainës.
Në cilësinë e provës materiale, policia sekuestroi drogën, shuma parash dhe tre celularë.
Fier/Finalizohet operacioni policor i koduar “District”, për goditjen e një tjetër rasti të shitjes së drogave të forta, në doza.
Kishte përshtatur lokalin e tij, në lagjen “16 prilli”, për përdorim dhe shitje të dozave të lëndës narkotike kokainë, arrestohet në flagrancë 54-vjeçari.
Sekuestrohen dhjetëra doza të lëndës narkotike kokainë, para të përfituara nga shitja e tyre dhe 3 celularë.
Në vijim të operacioneve të njëpasnjëshme, nga Policia e Fierit, për goditjen e veprimtarive kriminale në fushën e narkotikëve, si dhe në bazë të informacioneve të siguruara nga inteligjenca policore, specialistët për Hetimin e Narkotikëve të DVP Fier dhe ata të Forcës së Posaçme “Shqiponja”, finalizuan operacionin policor të koduar “District”, si rezultat i të cilit u vu në pranga shtetasi E. R., 54 vjeç, banues në Fier.
Gjatë kontrolleve të ushtruara në lokalin në pronësi të 54-vjeçarit, në lagjen “16 prilli”, shërbimet e Policisë konstatuan se ky ambient ishte përshtatur për përdorim dhe shitje të lëndës narkotike kokainë, në doza.
Nga ky ambient, me cilësinë e provës materiale, u sekuestruan 50 doza të dyshuara të lëndës narkotike kokainë, 250 euro të dyshuara të përfituara nga veprimtaria kriminale dhe 3 celularë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme, për veprat penale “Prodhimi dhe shitja e narkotikëve”, “Përshtatja e lokalit për përdorim droge” dhe “Nxitja për përdorimin e drogës”.
/a.r
