Një 25-vjeçar është plagosur në qytetin e Shijakut pas një konflikti për motive të dobëta.
Shtetasi me inicialet B.K u plagos në këmbë me armë zjarri tip pitoletë. Ai dërgua në Spitalin Rajonal Durrës, ku ndodhet jashtë rrezikut për jetën.
Burime nga policia e Durrësit njoftojnë se efektivët kanë mbërritur menjëherë në vendngjarje, të cilët kanë këqyrur vendin e ngjarjes dhe mbledhur provat materiale, me qëllim zbardhjen e ngjarjes.
Nga veprimet hetimore është bërë e mundur të identifikohet autori i ngjarjes, i cili dyshohet se është I.N. 30 vjeç, banues në Shijak.
Policia ka shpallur në kërkim autorin dhe po punon për kapjen e tij./a.m.
