Një atentat me armë zjarri është bërë ndaj biznesmenit Dashamir Gjoka.
Ngjarja ndodhi te ‘4 rrugët e Shijakut’. Sipas raportimeve, një person ka qelluar me kallashnikov ne drejtim të mjetit. Në automjetin e blinduar udhëtonte Gjoka bashkë me fëmijët e tij. Ndaj tyre u drejtua breshëria e plumbave nga një tjetër makinë që udhëtonte paralelisht me mjetin e biznesmenit. Fatmirësisht, mjeti i blinduar shmangu tragjedinë, pasi plumbat nuk arritën të depërtojnë.
Ai ka arritur të shpëtoj për shkak të mjetit të blinduar me të cilin lëvizte. pas të shtënave biznesmeni ka drejtuar mjetin për në komisariatin e policisë ku raportoi për atentatin që iu bë atij dhe familjes.
Policia ka ngroitur postblloqe tb shumta në zonë dhe po punon për identifikimin dhe ndalimin e autorit të krimit. Policia ka fokusuar veprimet hetimore tek e shkuara problematike e biznesmenit.
Ai rezulton i dënuar në Itali për shfrytëzim prostitucioni. Gjoka ka mundur t’i shpëtojë drejtësisë, pasi gjykatat shqiptare nuk lejuan ekstradimin. Pak kohë më parë atij i’u sekuedtyrua edhe kompleksi mjaft i njohur në pronësi të tij, por gjykata shfuqizoi sekuestron.
Kush është Dashamir Gjoka
Dashamir Gjoka rezulton i dënuar nga gjykata italiane me 7.5 vite burg, si drejtues i një organizate kriminale që shfrytëzonte femra për prostitucion
Një dënim i vitit 2009 nga drejtësia italiane i ka kushtuar sekuestrimin e të gjitha pronave në vitin 2005 Dashamir Gjokës, pronar i kompleksit “Gjoka” në Shijak. Pronat të cilat u liruan nga sekuestro me vendim Gjykate.
Edhe pse i dyshuari është i lirë, pasi gjykata refuzoi ekstradimin e tij drejt Italisë, në kuadër të ligjit Antimafia, prokuroria dhe gjykata dyshojnë se pasuritë e tij janë krijuar me burime jo të ligjshme. Për herë të parë, problemet e Dashamir Gjokës me drejtësinë kanë nisur në vitin 2013, kur ai është arrestuar në Shqipëri për llogari të drejtësisë italiane, por të tria gjykatat kanë refuzuar kërkesën për ekstradim.
Në kuadër të hetimit pasuror të kryer nga Prokuroria e Durrësit, gjykata e këtij rrethi fillimisht ka sekuestruar dhe më pas ka liruar pasuritë e të dyshuarit. Vendimi për sekuestrimin e pasurive të tij u mor nga Gjykata e Krimeve të Rënda në kuadër të ligjit Antimafia, pasi pronari i këtyre pasurive nuk ka mundur të provojë burimin e ligjshëm të tyre.
Sipas prokurorisë bëhet fjalë për sekuestrimin e kompleksit “Gjoka”, i cili ndodhet në Shijak dhe që është ndërtuar mbi një sipërfaqe prej 6949 m2. Në përbërje të tij ka njësi shërbimi të tilla si bar, restorant, supermarket, motel, terrene sportive, pishinë, si dhe një magazinë. Ende nuk dihet vlera reale e këtij kompleksi, pasi ai ka qenë në proces legalizmi dhe pronari i tij, shtetasi Dashamir Gjoka e ka vetëdeklaruar vlerën në shumën e 1 miliard e 700 milionë lekëve të vjetra.
a.ç
