Blerim Muja, 24 vjeç nga Kukësi u arrestua të dielën në Tiranë, pasi me vete iu gjet një pistoletë që dyshohet se do e shiste. I riu u ndalua gjatë një kontrolli rutinë në “Rrugën e Elbasanit”, teksa ndodhej nën shoqërinë e një shokut të tij, dhe pas kontrollit fizik iu gjet arma e zjarrit. Sipas Kodit Penal, 240vjeçari rrezikon dënim deri në 7 vite heqje lirie, për akuzën e armëmbajtjes pa leje.
Fenomeni i armëmbajtjes pa leje, ka qenë një nga problematikat kryesore, e sidomos kur statistikat e policisë tregojnë se numri më i lartë i personave që e kanë mbajtur atë janë kryesisht të rinjtë. Referuar të dhënave gjatë dy viteve të fundit në të gjithë vendin janë zbuluar mbi 1300 raste që persona të moshave të ndryshme janë kapur me armë pa leje në vende publike, duke lëvizur me automjet apo dhe duke ecur në rrugë.
Vetëm vitin e shkuar, të dhënat tregojnë se janë evidentuar rreth 700 armë, dhe poseduesit e tyre janë arrestuar. Një pjesë e mirë e tyre janë përsëritës.
Vitin e kaluara policia goditi edhe disa raste të trafikimit të armëve, kryesisht nga Kosova, Mali i Zi, Maqedonia e Veriut dhe Serbia. Operacioni më i bujshëm ishte ai i zhvilluar më 12 dhjetor të 2024-ës mes policisë së Tiranës dhe të Kosovës. Gjatë aksionit të dy vendeve u arrestuan 14 persona, gjysma e tyre në Tiranës, të cilët bënin trafikun e armëve nga Kosova dhe vende të Bashkimit Europian drejt vendit tonë, kryesisht me autobusë.
