Shifra e të infektuarve me Covid-19 në gjithë botën ka shkuar në 104,447,241, ndërsa 2,264,087 njerëz kanë ndërruar jetë. Një lajm i mirë është se 76,335,754 persona e kanë fituar betejën me virusin, sipas raporteve të worldometers.
Shtetet e Bashkuara, janë vendi me numrin më ta lartë të infektimeve, ku gjatë orëve të fundit janë shënuar mbi 114,703 persona, duke e çuar shifrën ne total 27,027,430. Ndërkohë që kanë ndërruar jetë mbi 3,632 pacientë dhe shifra në total është 457,868 pacientë.
India renditet e dyta, me numrin më të lartë të infektimit. Gjatë orëve të fundit janë regjistruar mbi 11,000 persona të infektuar dhe në total ka arritur 10,778,206 njerëz, ndërkohë kanë humbur jetën mbi 113 pacientë dhe numri në total i vdekjeve është 154,635.
Edhe Brazili është një nga vendet më të goditura nga pandemia me 9, 286, 256 raste dhe 226, 383 viktima.
Në Evropë gjendja paraqitet problematike, ku disa vende ende janë në izolim dhe disa të tjera kanë shtyrë masat parandaluese.
Franca renditet e gjashta, për sa i përket numrit të lartë të infektime. Gjithashtu, numri i pacientëve në spital me Covdid-19 në Francë është në nivelin më të lartë që nga nëntori.
Italia renditet e teta, ku gjatë 24 orëve të fundit janë shënuar pozitiv mbi 9,600 njerëz një numër më i ulët se një ditë më parë, ndërsa shifra në total është mbi 2 milionë. Ndërkohë, që kanë ndërruar jetë mbi 499 persona dhe numri në total është 89,344.
Në Gjermani numri i rasteve të konfirmuara pozitiv gjatë orëve të fundit është mbi 7,627 njerëz, duke e çuar shifrën në total 2,239,943 mijë persona. Ndërkohë që kanë ndërruar jetën mbi 990 njerëz dhe numri në total është 59,386. Ditën e djeshme Kancelarja gjermane Angela Merkel ka thënë se të gjitha vaksinat e miratuara nga rregullatori i ilaçeve të BE-ja do të aplikohen në Gjermani, duke përfshirë ato ruse dhe kineze.
Ekspertët e Organizatës Botërore të Shëndetësisë (OBSH) e kanë vizituar një laborator në Vuhan të Kinës për të cilin ka pasur pretendime se nga aty ka dalë koronavirusit i ri. Inspektimi i institutit të virologjisë Wuhan, në të cilin kryhen hulumtime mbi sëmundjet më të rrezikshme në botë, do të jetë një nga ndalesat në hetimet për origjinën e pandemisë COVID-19. Misionin e ekspertëve të OBSH, Kina e kishte vonuar gjatë gjithë vitit të parë të pandëmisë.
g.kosovari
