Ka përfunduar në burg, madje disa herë, pasi ishte dehur në publik dhe kishte bërë marrëzi, pastaj ka refuzuar secilin film, i cili ka mundur të bëhet hit. Aktori Shia LaBeouf, ishte parapërcaktuar që të bëhet aktor i famshëm i Hollivudit dhe statusin e yllit e ka fituar me paraqitjen në filmin hit “Transformers”, me çka ka çmendur të gjitha femrat, duke përfshirë edhe Selena Gomez. Mirëpo, viteve të fundit, Shia ka vendosur të mos jetë në listën “A” të yjeve të Hollivudit, duke kundërshtuar çdo gjë.
Ai ka filluar të vishet në atë mënyrë sa shumica thoshin se rrobat i zgjedh nga kontejnerët, pastaj ka përfunduar në burg, madje disa herë, pasi ishte dehur në publik dhe kishte bërë marrëzi, pastaj ka refuzuar secilin film, i cili ka mundur të bëhet hit, pra ka bërë gjithçka që të jetë në listën e aktorëve të dështuar. Mirëpo, pikërisht kjo sjellje e tij, e ka bërë atë edhe më të famshme dhe për këtë shikuesit e duan edhe më shumë. Ndërsa gjërat e çmendura që ai ka bërë gjatë vitit të fundit, janë tatuazhi me fytyrën e reperit Tupac, ka ecur i zhveshur deri te bjeshkët Rushmoure, kishte lëshuar flokët bisht, kishte vallëzuar në videospotin e këngëtares Sia dhe atë i zhveshur në kafaz, pastaj tri ditë kishte qëndruar vetëm në kinema duke shikuar filmat e tij. Por skandalin më të madh e kishte bërë kur kishte ndërprerë një shfaqje në Broduei, ku ishte nxjerrë me pranga nga policia, të cilët paraprakisht i kishte pështyrë dhe ofenduar.
