Kardiokirurgu i Sanatoriumit, Dervish Hasi, u arrestua ditën e djeshme pasi sipas akuzës shfrytëzonte për prostitucion një 16-vjeçare për një periudhë 2-vjeçare.
Hasi njihet si besimtar mysliman dhe kishte edhe 3 gra të tjera në shtëpi. E mitura shkonte në shtëpinë e Hasit në intervale të shkurtra kohore, 3 deri në 4 ditë, ndërsa dyshohet se Hasi ka kryer marrëdhënie seksuale me të, e cila do të konfirmohet përmes akt-ekspertizës.me vajzën ai është njohur që kur ajo ishte 14 vjeçe.
Për të folur për këtë ngjarje, ishte ekskluzivisht në studion e “Shqipëria Live“ në Top Channel, avokati i 42-vjeçarit, Roland Islami, i cili akuzoi Komisariatin Nr.1 në Tiranë për shpifje.
Sipas avokatit, vajza ka shprehur vetë dëshirën për një lidhje serioze me doktorin, gjë për të cilën ka qenë në dijeni dhe babai i saj.
“Është shpifje e komisariatit numër 1, ata për orë të tëra nuk kishin një pretendim për këtë person. Ata duhet të mbajnë përgjegjësi për këto akuza që kanë bërë
Edhe akuza është shpifje, vajza nuk e pranon, duhet të sqarojmë se çfarë po shpifet.
E keni bërë horror, e bëri media, nuk ekzistojnë videot, nuk ka fare. Ka komunikime në ëhatsapp që ka shprehur vajza dëshirën për një lidhje serioze me doktorin, që në gjendje civile është beqar. Kanë folur, kanë diskutuar dhe kanë pirë kafetë. Në këtë momente nuk ka shkelje fare.
Në një moment babai i vajzës, i cili ka shprehur shqetësimin prindëror se me kë shoqërohet vajza, ka thënë se nëse duhet të vazhdosh lidhjen me vajzën duhet të bësh celebrimin, gjë që nuk ndalohet me ligj në Shqipëri edhe pse është nën 18 vjeç. Po flas për nenin 7, Kodin e Familjes. E mitura kishte 2 vite që frekuentonte banesën e tij, ku kalonte 2-3 ditë në javë,” tha avokati Islami.
Në emisionin e Tch, ai ka mohuar akuzat se klienti i tij ka kryer marrëdhënie seksuale me të miturën, duke i konsideruar si shpifje.
Avokati: Është shpifje.
Avokati: Jo është shpifje.
Bezat: Vajza e pranon që ka pasur marrëdhënie me klientin tuaj pra.
Avokati: Po ça janë këto shpifje. Vajza nuk ka dhënë deklarimet akoma, para një ore dha deklarime merrini dhe pyetini.
Policia mori informacion për këtë shfrytëzim dhe ndërhyri kur e mitura shkoi në banesën e 42 vjecarit. Në referencë të rastit, dyshohet se Hasi e ka manipuluar me terma besimi, duke i premtuar se do te bëhej gruaja e tij e katërt.
E mitura kishte 2 vite që frekuentonte banesën e tij, ku kalonte 2-3 ditë. Ai ka deklaruar se është besimtar dhe kishte edhe tre partnere të tjera.
Dervish Hasi është emër i njohur për policinë, pasi i është vënë tritol në vitin 2019. Ai është i hetuar dhe për vepra kriminale më herët por nuk janë provuar./m.j
