Skandali ku është përfshirë Qendra Rezidenciale e Fëmijëve në Shkodër ka bërë që ministri i Mirëqënies Sociale të reagojë mbrëmjen e së mërkurës në Facebook.
Në postimin e tij, ministri Klodi shprehet se ai dhe dikasteri që drejton e dënojnë me forcë rastin dhe nxisin hetimet.
Sipas Blendi Klosit, çdo dhunues i fëmijëve duhet të marrë ndëshkimin e merituar, ndërsa ai i kujton çdo bashkie përgjegjësitë për sigurimin e standardeve më të larta për fëmijët.
“Dënoj me forcë rastin e rëndë të ngjarjes në Qëndrën Rezidenciale të fëmijëve pranë Bashkisë Shkodër. Nxis hetimin e plotë të asaj që ka ndodhur nga ana e Prokurorisë. Cdo dhunues fëmije, të marrë ndëshkimin e ligjit. Është rasti ti kujtoj cdo bashkie, përgjegjsinë prioritetare për sigurimin e standarteve më të larta për trajtimin e fëmijëve” – shkruan ministri i MMSR.
Pak ditë më parë, Prokuroria e Shkodrës kishte marrë sinjalizim nga Avokati i Popullit se tre të mitura abuzoheshin nga personli duke i dhunuar dhe vënë në punë. Për rastin në fjalë, në pranga ra ish-drejtoresha ndërsa hetimet pritet të hedhin dritë mbi ngjarjen e shëmtuar. (javanews.al / r.a)
