Me argumentin se nuk është kompetente për të hetuar dosjen “Babale”, Prokuroria e Krimeve të Rënda ka shpallur moskompetencë për këtë çështje. Dosja i është deleguar Prokurorisë së Tiranë këtë të premte, e cila do hetojë për “kallëzim të rremë”, Albert Veliun, Fredi Alizotin, gazetarin Jemtir Olldashi dhe deputetin Ervian Salianji.
Ndërsa Krimet e Rënda kanë mbajtur një pjesë të dosjes pasi dyshohet se mund të ketë pasur trafik droge. Prokuroria nisi hetimet pas publikimit të audio-përgjimit të publikuar nga Partia Demokratike ku pretendohet se Albert Veliu fliste me vëllain e Ministrit të Brendshëm për të trafikuar drogë.’
Pas 5 muajsh hetim, sipas prokurorisë, zëri nuk ishte i Geron Xhafës, por i Fredi Alizotit, mik i Veliut i cili pranon inskenimin.
Prokuroria po i heton të dyja çështjet ndërsa mban në qeli Fredi Alizotin dhe ka bërë kërkesë për ekstradim nga Kosova për Albert Veliun.
Burime nga Krimet e Rënda bënë të ditur se pas hetimeve intensive të nisura pas publikimit të audiopërgjimit të Albert Veliut në Vlorë, nuk u gjetën prova për trafikun e narkotikëve.
a/ç
