Në mbyllje të mbledhjes së grupit të LSI, deputeti Luan Rama ka lajmëruar se në garën për kreun e kësaj partie do të jetë Ilir Meta dhe Shezai Rrokaj, ndërsa kushdo që do të shpallë kandidaturën për këtë post, ka kohë deri në fund të këtij muaji.
Luan Rama tha se zgjedhjet do të mbahen më 6 nëntor dhe se votimi do të bëhet nga të gjithë anëtarët e LSI-së.
Në mledhjen e sotme u diskutua mbi organizimin, modalitet e kriteret e zhvillimit të fushatës dhe zgjedhjeve të kryetarit të ri të LSI, si dhe për Konventën Kombëtare Zgjedhore.
Ju bëj të ditur që u vendos që zgjedhjet të mbahen në të gjithë territorin, ditën e dielë më 6 nëntor 2016.
Mbledhja rikonfirmoi edhe një herë vendimin që zgjedhjet do të bëhen me pjesëmarrjen e të gjithë anëtarëve.
Flet Shezai Rrokaj: LSI duhet të “zbutet” prej militantizmit
Partia ka nevojë më shumë që të rrisë performacën e saj në bazë. Unë dhash shembullin tim, dhe ndoshta mund të mos jem i vetmi që do të kandidoj. Anëtarësia do të vendosë se kush do të jetë fitues.
Kush janë pikat tuaja, platforma juaj?
Siç thash, jemi në pikat fillestare. Por them që është e nevojshme që Partia të zbutet ndaj militantizmit politik dhe të fokusohet më shumë drejt qytetarisë.
/java/a.k
