Zëvendëskryeministrja e propozuar nga PD, Ledina Mandija i ka kërkuar ministrit të Tranporteve që vjen nga radhët e LSI, Sokol Dervishaj të shakarkojë nga detyra e Drejtorit të Drejtorisë së Përgjithshme Detare, Gazmir Tahiri, pasi në datën 27 Maj nga Porti i Vlorës ka dalë për lundrim një anije, e cila është pronë e kapitanerisë së porteve, në të cilën disa të rinj, simpatizantë të një subjekti politik në praninë e një kandidati për deputet, propagandojnë simbole partiake.
Deklarata e plotë:
Zëvendëskryeministrja Ledina Mandija, në cilësinë e drejtuesit të Task Forcës, i kërkoi Ministrit të Transportit dhe Infrastrukturës, Sokol Dervishaj, shkarkimin nga detyra të Drejtorit të Drejtorisë së Përgjithshme Detare, Gazmir Tahiri, i cili referuar informacioneve në kundërshtim me pikën 13 të VKM-së Nr.473, datë 1.06.2017 ka vënë në dispozicion të një subjekti elektoral mjete, të cilat janë pronë e administratës shtetërore.
Sipas informacionit të provuar me pamje filmike në datën 27 Maj nga Porti i Vlorës ka dalë për lundrim një anije, e cila është pronë e kapitenerisë së porteve, në të cilën disa të rinj, simpatizantë të një subjekti politik në praninë e një kandidat për deputet, propagandojnë dhe manifestojnë me simbole partiake. Zëvendëskryeministrja i kërkon Ministrit Dervishi të marrë masa në mënyrë të menjëhershme si dhe referimin e rastit pranë organeve të Prokurorisë së Përgjithshme.
Çfarë ndodhi më 27 maj
Siç shihet nga videoja dhe fotot e mëposhtme, në datë 27 maj, deputeti dhe njëherësh kandidati i LSI në Vlorë Flamur Çelaj, ka pritur në Vlorë aktivistët e LSI që vinin nga Durrësi.
Por, në video duket edhe personi që sipas informacioneve ka organizuar udhëtimin për militantët e LSI. Ai është Gazmend Tahiri, drejtori i Drejtorisë së Përgjithshme Detare në Durrës.
Pra, Tahiri ja ka dhënë LSI-së dhe militantëve të saj detyrën që i ka ngarkuar shteti duke ju organizuar udhëtime.
