Lideri i nacionalistëve në Serbi, Sheshel ka tronditur opinionin serb pasi sipas tij do të tentohet të vritet Presidenti Aleksandër Vuçiç. Sipas tij, këtoparalajmërime duhet të merren seriozisht.
“Dikush dëshiron ta helmojë ose ta shkatërrojë me rrëzimin e një avioni ku do të jetë ai ose helmim me ushqime”, tha Sheshel.
E megjithatë ai nuk ka specifikuar se kush kërkon ta vrasë presidentin serb.
Kohët e fundit Vuçiç ia ka acaruar marrëdhëniet me kishën ortodokse serbe pasi ka paralajmëruar zgjidhje për Kosovën, por kjo zgjidhje do të nënkuptojë lëshime të reja, veprime këto që kisha nuk i pranon.
Por, nga ana tjetër edhe homologu kosovar Hashim Thaçi ka paralajmëruar se marrëveshja me Serbinë do të jetë e dhimbshme edhe për Kosovën.
Kurse në opinion është spekulluar që do të ketë ndarje të Kosovës por deri tani këtopretendime janë mohuar nga Thaçi.
a.ç
