Një grua është dhunuar dhe është kërcënuar me armë zjarri brenda banesës së saj nga dy persona. Ngjarja ka ndodhur në fshatin Bratkaj të Vlorës rreth orës 01:30 të natës.
Sipas informacioneve nga policia, kanë qenë banorët e tjerë që njoftuan për të shtëna me armë. Në bazë të verifikimeve, rezulton se dy persona, njëri prej tyre Ervis Karçanaj 24 vjeç kurse tjetri ende i paidentifikuar, kishin hyrë në banesën e gruas me iniciale F.S dhe kishin qëlluar me armë në korridor. Më pas, kishin ushtruar dhunë fizike ndaj saj. Fatmirësisht nga të shtënat me armë nuk mbeti njeri i plagosur.
Pas ngjarjes, dy personat u larguan nga banesa. Nga hetimet e deritanishme policia ka zbuluar se njëri prej autorëve, Ervis Karçanaj është nipi i ish-burrit të gruas që u dhunua. Qytetari me iniciale SH.S është divorcuar ligjërisht me gruan F.S, por mes tyre kanë vazhduar konfliktet për motive pronësie, thotë policia.
Në kushte të tilla, ish-bashkëshorti vendosi njerëzit e tij për të kërcënuar ish-gruan për t’u larguar nga banesa ku ndodhi ngjarja. Pas arrestimit të 24-vjeçarit Karçanaj, vazhdojnë hetimet për të kapur personin e dytë.
Njoftimi i policisë
Policia e Vlorës ka arrestuar një person, i cili dyshohet se në bashkëpunim me një shtetas tjetër, pasi kanë hyrë në një banesë, kanë kanosur me armë zjarri të zonjën e banesës, duke ushtruar dhe dhunë fizike ndaj saj.
Më datë 14.08.2017 rreth orës 01:30, Salla Operative Vlorë njoftohet se në një banesë në fshatin Brataj, ka të shtëna me armë zjarri, njofton policia.
Policia ka shkuar menjëherë në vendngjarje dhe ka konstatuar se është qëlluar me armë në banesën e shtetasit Sh.S dhe F.S.
Autorët kanë qënë dy persona, të cilët pasi kanë qëlluar më armë në pjesën e brendshme të banesës, (në korrior), kanë ushtruar dhunë fizike ndaj shtetases F.S, dhe më pas janë larguar menjëherë.
Nga të shtënat nuk ka persona të lënduar. Nga hetimet e policisë ka rezultuar se ish bashkëshortët (shtetasit Sh.S. dhe F.S), të cilët janë ndarë ligjërisht, kanë konflikte të vazhdueshme me njëri-tjetërin për çështje pronësie.
( Dyshohet se dy shtetasit kanë hyrë në banesë, për të kanosur me armë shtetasen F.S., ku kanë përdorur edhe dhunë fizike ndaj saj, si një formë kërcënimi për tu larguar nga banesa e ish bashkëshortit të saj).
Si rezultat i hetimeve dhe kontrolleve që policia nisi për identifikimin dhe kapjen e autorëve u bë e mundur kapja dhe ndalimi i njërit prej tyre, konkretisht: Ervis Karçanaj, 24 vjeç, banues në Velsh,Vlorë.
Ky shtetas rezulton të jetë nip i shtetasit Sh.S., ku së bashku me autorin tjetër (ende të paidentifikuar nga policia), kanë hyrë në banesë dhe kanë kanosur shtetasen F.S..
Vijon puna për zbardhjen e plotë të rrethanave të ngjarjes, identifikimin dhe kapjen e autorit të dytë të kësaj ngjarjeje.
a.ç
