Detaje të reja mësohen nga arrestimi i 29-vjeçarit Mario Nela, i cili në shtator të vitit të kaluar plagosi me armë kushëririn e tij Ervin Nela.
Mario Nela është vënë në pranga nga policia ditën e sotme. Gazetari i Vizion Plus, Esido Barkaj mëson se dy kushërinjtë e kishin nisur konfliktin në Gjermani për prishje të pazareve të drogës.
Ata merreshin me trafik kokaine dhe konflikti ka nisur për fshehjen e fitimit nga njëra palë.
Pasi kanë diskutuar atje, kushërinjtë e kanë lërë të zgjidhin konfliktin në Shqipëri.
Fillimisht është kthyer Ervini me ekspuls nga Gjermania ndërsa Mario është arrestuar dhe pasi ka bërë disa muaj burg në Gjermani është rikthyer në Tiranë.
Në konfliktin me armë kanë qenë të pranishëm edhe babai e vëllai i Ervinit, Gentian e Emanuel Nela, të cilët që atëherë janë arrestuar nga policia për vrasje në tentativë dhe armëmbajtje pa leje.
