Një mosmarrëveshje mes kushërinjve për një vijë uji ka degjeneruar në një konflikt fizik me pasoja të rënda, ku njëri prej tyre ka përfunduar me plagë në kokë, brinjë të thyera si dhe me një vesh të prerë.
Ngjarja ka ndodhur në fshatin Vërri të Mokrës në Pogradec. Në konflikt fizik janë përfshirë administratori i njësisë Proptisht, Gëzim Alla dhe 4 vëllezërit e tij, të cilët janë zënë me kushëririn e tyre, Kujtim Alla, djalin e xhaxhait.
Pikërisht ky i fundit, Kujtim Alla ka përfunduar në spital pas sherrit me mjete të forta, ku janë përdorur lopata dhe kosor.
Shkaku i incidentit ishte një vijë uji që Gëzill Alla donte të hapte në tokën e të plagosurit Kujtim Alla, një gjë që ky i fundit nuk e ka lejuar, dhe kjo ka bërë që të plasë sherri mes tyre.
Lidhur me këtë ngjarje policia ka ndaluar shtetasin Vito Alla, por familjaët e të plagosurit Kujtim Allës thonë se fajtori kryesor për këtë ngjarje është Gëzim Alla, administrator i Proptishtit.
Ata kërcënojnë me vetëgjyqësi nese nuk nuk bëhet drejtësi për ngjarjen, ndërsa i bëjnë një apel kryebashkiakut të Pogradecit, Eduart Kapri, që të marrë masa ndaj të emëruarit si administrator i Proptishtit. Policia ndërkohë thotë se është duke e hetuar ngjarjen. Konflikti mes dy familjeve të të njëjtit fis daton prej 7 vitesh.
