Zbulohen detaje të reja për sherrin me thika të kësaj mesdite në Tiranë, në rrugën Llambi Bonata. Një 55 vjeçar ka mbetur i vdekur pas një konflikti me thika në Kombinat. Bëhet fjalë për Luan Kopreckën, i cili është përleshur me dy të rinj, shtetasit Alban Hyka dhe Genc Bushi.
Mësohet se dy të rinjtë kanë patur thika ndërsa 55 vjeçari ka patur në dorë një tullë, pas një sherri që ka nisur për motive banale, raporton tvklan.
Sipas policisë, i dyshuari për vrasjen e burrit është Alban Hyka.
Viktima është me origjinë nga Skrapari dhe jetonte prej disa vitesh në Kombinat. 55-vjeçari është goditur me thikë poshtë zemrës, ndërsa ka ndërruar jetë rrugës për në spital.
