Lidhur me sherrin masiv të ndodhur në një lokal të Korçës, ku u plagosën, të rinjtë e arrestuar kanë dalë ditën e sotme para togave të zeza për t’u njohur me masat e sigurisë.
Për tetë prej tyre, u vendos masa e sigurisë “detyrim paraqitje” pasi akuzohen për plagosje të rëndë me dashje.
Për autorin e plagosjes së dy personave, shtetasi D.H., i cili akuzohet për veprën penale “vrasje me dashje”, e mbetur në tentativë, është lënë nën masën e sigurisë “arrest në burg”.
Për një tjetër të përfshirë në këtë konflikt, i cili mbeti dhe i plagosur, e që ka goditur të tjerë me karrige, është ende në ambientet spitalore ku po merr ndihmë mjekësore.
Kujtojmë se ky sherr ndodhi më 31 gusht 2025, në një lokal në periferi të Korçës, ku dy persona nisin të konfliktojnë me fjalë, e më pas nisin të godasin njëri-tjetrin em grushte dhe karrige.
Pas tyre, janë përfshirë dhe personat e tjerë, gjë që i çoj në arrestimin e tyre, por që tashmë janë liruar dhe ndodhen nën masën e sigurisë detyrim paraqitje.
Policia tha se sherri ka nisur për motive të dobëta dhe për të arrestoi 10 persona, duke u ngarkuar atyre respektivisht akuza të vrasjes së mbetur në tentativë për dy plagosjet me thikë, plagosje të rëndë dhe të lehtë me dashje, shkatërrim të pronës, prishje të qetësisë publike dhe deklarim të rremë para oficerit të policisë gjyqësore.
