Anëtari i Këshillit Kombëtar të PD-së, Roland Bejko, i ftuar në Spotlight nga Alban Dudushi është përplasur me Klevis Balliu, ish-deputetin e PD-së, sa i përket Kuvendit Kombëtar të mbledhur nga ish-kryeministri Berisha më 11-Dhjetor.
Për Bejkon, ajo çka mbahet më 11,eshte thjeshtë miting dhe jo një Kuvend. Një miting, që sipas tij i duhet Berishës, që ti tregoje Amerikës sa i fuqishëm është.
Ndërkohë që për Balliun duket se është ë qartë se ajo cka do të ndodhë të shtunën e 11-Dhjetorit është thjesht shkarkimi i kryedemokratit Lulzim Basha.
Roland Bejko: Nesër është e pamundur që të bëhet verifikimi i delegatëve, sepse ka vetëm një ekran dhe siç e thatë ju nuk eshte vetëm një sekond punë, por minimalist, ata që janë ekspertë kanë thënë që në rastin më të mirë, do 30 sekonda që të mbarojë me një njeri. dhe në 5200 veta, bëjini vetë llogaritë, se sa do ti duhet. Do ti duhet gati 10 orë që të bëhet verifikimi nëse do ti ketë anëtarët e plotë. Nesër ai eshte thjeshtë një miting, s’ka të bëjë fare me Kuvendin e Partisë. Ai miting i duhet nesër Sali Berishës, që t’i tregojë Escobarit dhe gjithë Amerikës zyrtare se ai është i fuqishëm. Ka njerëz nga mbrapa, është faktor, nuk e nxjerrim dot kollaj nga tryeza, nuk e c’bëjmë dot si faktor politik në Shqipëri dhe në rajon. Dhe do të vazhdojë me marrëzinë e tij politike dhe atyre që e ndjekin nga mbrapa. Amerikanët po e nxjerrin nga dera, këta po e fusin nga dritarja.
Ata i thonë që, me këtë nuk do të kenë asnjë marrëdhënie, këta shkojnë se do ti imponojnë Amerikës që të ndërtojë socializmin me forcat e veta. Këta po i marrin demokratët në qafë për interesa personale.
Klevis Balliu: Nuk i imponohen Amerikës unë zotëri, i imponohemi një njeriu të shitur, që ka shitur kauzat e opozitës tek mazhoranca, që ka shitur PD-në tek Edi Rama. Dhe ajo nuk do të lejohet. Ai do të shkarkohet nesër me votat e delegatëve. Dhe kaq, do të mbyllet. Nesër mbyllet. Nesër shkarkohet. Do e shkarkojnë delegatët e PD-së, të cilët do të jenë transparentë… Ku do t’i mblidhni ju? Tek pallati i Kongreseve?
g.kosovari
