Sherr te Ligjet/ Balliu: A është normale me këtë ministër? Manja: E dha përgjigjen babai yt, s’ke pnuar asnjë ditë!

Komisioni i Ligjeve është përfshirë në debate të ashpra mes përfaqësuesve të opozitës dhe kryetarit të komisionit Ulsi Manja.

Deputetët Enkeleid Alibeaj dhe Klevis Balliu kanë ngritur sërish të ashtuquajturën çështja e vëllait të ministrit Xhafaj.

Deputeti Klevis Balliu nuk lejonte vijimin e punës së komisionit sipas rendit normal dhe ngrinte zërin gjithë kohës.

Në ato momente kreu i komisioni Manja i drejtohet “Na lodhe, mos bërtit. E kanë marrë vesh njerëzit që je deputet, je deputet i Pogradecit”

Balliu iu drejtua Manjës nëse “A është normale që vëllai i Ministrit të Brendshëm është dënuar për trafik droge?”

Manja i përjgigjet duke e ironizuar teksa i thotë “Ta jap unë përgjigjen, e ka dhënë opinionisti Fahri Balliu, është normale!”.

REPLIKAT:

Manja: Vazhdojmë me pikat…

Balliu: Po c’pikë e dytë e pikë e tretë, mo pika që s’ju bie juve, keni ngel pa pika, keni ngel me viza kokaine

Manja: Sa bukur këndon mo, u kënaqe

Balliu: Ka më bilbil se ti

Manja: Dje me motive pogradeci sot me motive Tirane. Ku di ti me bë pyetje mor zotëri ti s’ke punu një ditë në jetën tënde

Balliu: A ka mundësi me kthy njëri përgjigje mo

Manja: Sa të mbarojë Balliu këngën e ditës

Balliu: Më jep fjalën mu të bëj pyetjen, vazhdo pastaj, pse jeni bërë të gjithë memecë mo? Ulsi, bëje atë ligjin ku qeveria mos inkriminohet, ka mundësi të marr fjalën

Manja: Jemi për punë këtu

Balliu: Je bo memec, gjithë ky burrë nuk kthen një përgjigje

Manja: Ka ndodh gjëma te ju por s’e keni kuptu

Balliu: Kthe mo një përgjigje, a është normale që vëllai i ministrit të Brendshëm merret me drogë

Manja: Po më shurrdhove mo burrë, nuk të dëgjo kush mo, e ka marrë vesh opinioni që je deputet i Pogradecit

Balliu: Nuk e di në Fatmir Xhafaj merret me drogë dhe nuk më intereson, por më kthe përgjigje

Manja: E ka dhënë opinionisti Fahri Balliu përgjigjen.

Balliu: O ti kryetar që s’e di ca kryetari je ti, kush do japë përgjigje këtu. Ikni të gjithë ju se po vjen baba im këtu pra

Manja: 5 minuta sa të mbarojë muzikën ky

Balliu: Me datë 26 mbaron muzika jote, me datë 26, ikën bilbil

/a.m.