Dy persona janë përfshirë në një konflikt në Elbasan. Policia njofton se gjatë konfliktit, i cili nisi për motive të dobëta dhe më pas agravoi, mbetën të plagosur të dy të rinjtë.
Ata kanë dëmtuar njeri-tjetrin me sende të forta dhe për pasojë kanë marrë dëmtime.
“Më datë 29.09.2021, rreth orës 13:30, pranë parkut Rinia, Elbasan, gjatë një konflikti për motive të dobëta , shtetasit S. C., 29 vjeç dhe B. B., 27 vjeç, banues në Elbasan, kanë goditur njëri-tjetrin me sende të forta, dhe për pasojë të dy kanë marrë dëmtime”, njofton policia.
Grupi hetimor po punon për zbardhjen e rrethanave të ngjarjes.
/b.h
