Një krim në familje është regjistruar mbrëmjen e djeshme në Bixellë të Elbasanit, ku dy vëllezër janë përleshur me njëri-tjetrin, në një konflikt që degradoi deri në përdorimin e armëve të ftohta.
Nga raportimet paraprake mësohet se shtetasi K. K., 49 vjeç pas një konflikti të çastit ka dëmtuar me thikë vëllanë e tij A. K., 46 vjeç.
Policia ka shkuar menjëherë në vendngjarje dhe ka bërë të mundur arrestimin e autorit, teksa i plagosuri është dërguar me urgjencë në spital, ku ka marrë dhe ndihmën e parë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
/a.r
