Një plagosje me armë zjarri është regjistruar mbrëmjen e djeshme në Shijak. Sipas informacioneve paraprake, bëhet me dije se dy kushërinj janë konfiktuar me një 45-vjeçar dhe për pasojë ky i fundit ka mbetur i plagosur me armë zjarri dhe ndodhet nën kujdesin e mjekëve.
Dy autorët, përkatësisht 38-vjeçari I. F. dhe 35-vjeçari D. F., janë në kërkim nga policia.
Grupi hetimor po punon për sqarimin e rrethanave dhe dokumentimin ligjor të këtij rasti.
“Shijak/Informacion paraprak
Rreth orës 22:30, në lagjen Kodër Shijak, shtetasit I. F., 38 vjeç dhe D. F., 35 vjeç (kushërinj), janë konfliktuar me shtetasin D. Ç., 45 vjeç, dhe gjatë konfliktit 45-vjeçari është plagosur me armë zjarri dhe ndodhet nën kujdesin e mjekëve.
Shërbimet e Policisë po ushtrojnë kontrolle për kapjen e dy shtetasve I. F. dhe D. F.
Ndërkohë, grupi hetimor, nën drejtimin e Prokurorisë, po punon për sqarimin e rrethanave dhe dokumentimin ligjor të këtij rasti”, thuhet në njoftim.
