Deputetja socialiste Elisa Spiropali dhe deputeti i opozitës Ervin Salianji kanë qenë përballë njëri-tjetrit në emisionin “360 gradë” të gazetarit Artur Zheji dhe kanë shkëmbyer opinione të ndryshme në lidhje me çështjen “Tahiri”.
Spiropali i ka konsideruar akuzat ndaj ish-ministrit të brendshëm baltosje dhe është shprehur se i vjen keq që po e diskuton këtë temë në emision. Salianji i është përgjigjur se duhet që t’i vijë turp duke provokuar reagimet e mëtejshme të gazetarit Zheji dhe Spiropalit.
Spiropali: Unë ndihem shumë keq që jam këtu në këtë emision dhe flas për këtë temë. Këtë e them sinqerisht. Ndihem keq kur të jem edhe nesër në Kuvend, ku jam e sigurt do të inskenohet një teatër i madh baltosje.
Salianji: Ke të drejtë. Turp duhet të të vijë në fakt.
Spiropali: Kemi 4 ditë që jetojmë me këtë sulm nga të gjitha anët dhe për më tepër që nuk prodhon asgjë.
Zheji: Je nga të rrallat deputete të PS-së që keni bërë 4 statuse. Keni miqësi personale?
Spiropali: Nuk kam asnjë miqësi personale me zt.Tahiri dhe këtë e di gjithkush. Ka simpatinë dhe madje edhe dhembshurinë e shumë kolegëve të tjerë. Në qoftë se Saimir Tahiri është i fajshëm nuk mjafton të jetë në Kuvend dhe as i lirë, meriton të jetë aty ku duhet të jenë shumë politikanë.
Në opinionin tonë me atë paraqitje farsë dhe qesharak në komisionin e mandateve. Ky ngut kaq i madh dhe i pa kuptuar.
