Kanë qenë miq dhe kanë bërë shumë gjëra bashkë, por tani janë bash armiq. Shkaku është se pavarësisht njëri-tjetrit donin të blinin të drejtat autoriale të librit “Laë of the Jungle”, në mënyrë që të xhirojnë një film me buxhet të lartë
Brad Pitt dhe George Clooney nga miqtë më të ngushtë, janë shndërruar në rivalët më të mëdhenj. Dy fituesit e çmimit Oskar, thuhet se janë hasmëruar për shkak të një projekti të ri, bëjnë të ditur mediet amerikane. Në të vërtetë, Clooney dhe Pitt janë përqendruar në të njëjtin projekt.
Që të dy ata donin të blinin të drejtat autoriale të librit “Laë of the Jungle”, në mënyrë që të xhirojnë një film me buxhet të lartë. Mirëpo, Brad kishte arritur të mund George-in dhe para hundëve ka arritur të blejë këto të drejta. Ky libër flet për ngjarjen e vërtetë të betejës gjyqësore 22-vjeçare rreth ndotjes së pyllit para-historik të Ekuadorit. “George me të gjitha mënyrat e dëshironte këtë projekt. Brad e dinte këtë, por prapë ia ka ‘vjedhur’ atë. Brad i ka thënë George se e tërë kjo është vetëm biznes”, ka zbuluar një burim dhe ka shtuar: “George tani nuk mund t’ia falë. Ai mendon se Brad është një gënjeshtar i madh”. Pasi këto janë raporte të medieve nga Hollivudi, të shpresojmë se ata do të arrijnë të gjejnë një zgjidhje, nëse vërtetë ka pasur probleme. Hollivudi nuk do të ishte i njëjtë pa miqësinë e madhe dhe shumëvjeçare Pitt-Clooney.
