Sherr me thika në Rimini, një shqiptar i plagosur
Tre të rinj 18-vjeçarë, mes tyre dhe një shqiptar, rezident në qytetin e Komos, u përfshinë në një sherr të dhunshëm plazhin e Ricciones.
Sipas medieve italiane, zotërimi i territorit në trafikimin e lëndës narkotike, ka qenë shkaku i një sherri të dhunshëm mes dy grupeve rivale italianë e afrikano-veriore, gjatë një koncerti të Radio Dee Jay, në sheshin “Roma”.
Mësohet se tre të rinjtë janë plagosur rëndë. Shqiptari 18-vjecar, rezident në qytetin e Komos është plagosur në gjoks nga një thikë ushtarake dhe i është nënshtruar një operacioni delikat kirurgjikal. Gjendja shëndetësore e shqiptarit është e rëndë, ndërsa dy të rinjtë e tjerë të plagosur, kanë marrë plagë të lehta në trup.
Autorët e sulmit me thikë të tre të rinjve, janë larguar nga vendngjarja e janë në kërkim nga forcat e rendit. Deri tani janë vënë në pranga 7 persona, dy italianë, shqiptari i plagosur, tre afrikano-veriorë e një egjiptian.
