Dy persona janë plagosur pas një sherri në Sukth të Durrësit. Të plagosur kanë mbetur dy djem të rinj.
Raportohet se një nga të rinjtë është edhe Adminstrator i njësisë Sukth.
Ata janë dërguar në urgjencën e qytetit. Spitali i Durrësit i ka dërguar më pas për në Tiranë, për mjekim më të specializuar.
Zyrtari i plagosur është Rrapo Osmani. Ende nuk dihen rrethanat e ngjarjes ndërsa Policia ka nisur hetimet për zbardhjen e ngjarjes.
Durrës/Informacion Paraprak
Më datë 31.12.2019, në Sukth, si pasojë e një konflikti të çastit, janë plagosur me mjet prerës (thikë) shtetasit Rr.O., 40 vjeç dhe K.O., 21 vjeç, të cilët ndodhen në spital nën kujdesin e mjekëve jashtë rrezikut për jetën.
Nga veprimet e para hetimore dyshohet se autor i kësaj ngjarje është shtetasi A.M., i cili është shpallur në kërkim dhe po punohet për kapjen e tij.
/a.r
