Dy kushërinj në Pogradec kanë nisur një sherr për motive të dobëta, i cili ka degjeneruar në dhunë fizike. 50-vjeçari G.F nga fshtati Beragozhdë është qëlluar me sende të forta në kokë nga kushëriri i tij 35-vjecari B.F
I plagosuri është dërguar në spitalin e traumës pasi plagët e marra kanë qenë serioze.
Në datë 11.09.2016, jemi njoftuar se në Spitalin e Pogradecit, është paraqitur shtetasi G.F, rreth 50 vjeç, banues në fshatin Beragozhdë, i dëmtuar në kokë, me sende të forta.
Nga hetimet e para, dyshohet se shtetasi i mësipërm pas një konflikti për motive të dobëta, me kushëririn e tij, shtetasin B.F, rreth 35 vjeç, është goditur me sende të forta në kokë, nga ky i fundit.
Nga ana e Policisë, po punohet për kapjen e autorit të dyshuar të kësaj ngjarje.
Pas ndihmës mjekësore të marrë në Spitalin e Pogradecit, shtetasi G.F, u dërgua në Tiranë, për mjekim më të specializuar.
Grupi hetimor në vendngjarje, po punon për zbardhjen e plotë të rrethanave të ngjarjes./java/a.k
