40-vjeçari është transportuar në spital nga ku ka marrë mjekimin e nevojshëm bëhet e ditur nga burime spitalore se Çollaku ka marrë dëmtime në gjithë trupin por jashtë rrezikut për jetën.
Një ngjarje e rëndë ka ndodhur mbrëmjen e së premtes në fshatin Dunice të Pogradecit. Një 40-vjeçar është dhunuar rëndë nga 8 persona pasi kishin konsumuar pije alkoolike në lokalin në pronësi të tij.
Erjon Çollaku është dhunuar me mjete të forta përpara lokalit të tij duke mbetur pa ndjenja.
40-vjeçari është transportuar në spital nga ku ka marrë mjekimin e nevojshëm. Mësohet se Çollaku ka marrë dëmtime në gjithë trupin, por ndodhet jashtë rrezikut për jetën.
Pasi ka denoncuar rastin në policinë lokale, 40-vjeçari ka deklaruar se nuk i njihte dhunuesit, duke mohuar të ketë pasur konflikte.
