Një sherr brenda një lokali në Lezhë ka përfunduar me dy të plagosur këtë të hënë, 12 janar. Siç njofton Policia, rreth orës 12:30, dy persona (kushërinj me njëri-tjetrin) janë konfliktuar për motive të dobëta me dy persona të tjerë (babë e bir).
Si pasojë janë dëmtuar shtetasit Gj. M. dhe N. M., të cilët pasi kanë marrë asistencën e nevojshme mjekësore, janë paraqitur në ambientet e Komisariatit. Ata pretendojnë se G. N. dhe K. N. kanë qenë të armatosur.
Vijojnë kërkime intensive për kapjen e shtetasve G. N. dhe K. N., si dhe një grup i posaçëm hetimor po punon në drejtimin e Prokurorisë së Lezhës, për të zbardhur dhe dokumentuar të gjitha rrethanat e këtij rasti.
