Një ndërtesë kati i parë i të cilës ishte mbushur me flamuj grekë, është bërë objekt sherri mes dy personave në Vlorë.
Flamujt grekë ishin vënë një pallat të Vlorës dhe pikërisht për to, një sherr ka plasur mes dy personave. Fillimisht me fjalë e ofendime e më pas me grushta e shkelma. Mosmarrëveshjet kanë nisur mes një qytetari dhe personit që kishte vënë flamujt e m kanë degjeneruar në sherr.
Është dashur ndërhyrja e policisë, e cila ka mbërritur dhe ka shoqëruar në komisariat të dy personat.
“Sapo u zunë për flamujt grek që janë të vendosur në Vlorë. Shteti ynë është i pafuqishëm t’i heqë ata flamuj që kanë disa muaj aty. Është hera e pestë në këta 2 muaj që po ndodh konflikt për ata flamuj”, – thotë qytetari i cili ka raportuar për JOQ. /b.d
