Pesë persona u arrestuan nga Policia e Tiranës në 24 orët e fundit, në mesin e tyre edhe 28 vjeçari me inicialet V. P., pasi ka goditur me sende të forta kushuririn e tij.
Po ashtu, edhe 23 vjeçari me inicialet V. S., u arrestua pasi në bulevardin “Gjergj Fishta”, në ambientin e magazinës së dyqanit ku punojnë, ka goditur me sende të forta shtetasin A. I., 36 vjeç, i cili ndodhet në spital, nën kujdesin e mjekëve.
Një tjetër burrë që dhunon gruan ra në prangat e policisë në kryeqytet.
Në njoftimin për mediat bëhet me dije se u arrestua shtetasi A. Sh., 59 vjeç, “pasi ka ushtruar dhunë fizike dhe psikologjike ndaj bashkëjetueses”.
Ndërkohë që një 33 vjeçar u kap pasi akuzohet se ka ndërhyrë në automatin e energjisë elektrike të një pallati dhe specialistët e Qarkullimit Rrugor arrestuan shtetasin B. D., 52 vjeç, pasi u kap duke drejtuar mjetin në gjendje të dehur.
Materialet u referuan në Prokurorinë pranë Gjykatës së Shkallës Parë Tiranë, për veprime të mëtejshme.
/b.h
