Baba Faja, i lindur në vitin 1900 në fshatin Luz të Kavajës, ai kishte qenë shërbëtor në Teqenë e Elbasanit, ku u bë Bektashi dhe më vonë u bë Dervish.
Ai ishte mjaft me fat që u bë Baba i Teqesë së Martaneshit, ku u rekrutua në komunizëm nga Mustafa Gjinishi pas pushtimit italian të Shqipërisë. Megjithëse nuk është përgjegjës për ndonjë krim të veçantë ende, ai është përgjegjës për të gjitha vrasjet dhe veprimet kriminale të kryera në rajonin e tij nga ndjekësit e tij dhe në emër të tij. Djegia e Teqesë së Martaneshit dhe i fshatit nuk i bëri përshtypje Baba Fajës, megjithëse ishte shkaku i drejtpërdrejt i atij shkatërrimi. Ja ku janë disa cilësi të karakterit të tij:
1-.Megjithëse ishte Dervish dhe Baba dhe ishte betuar për beqari, ai përfitoi nga liberalizmi ekstrem i lëvizjes komuniste dhe gjithmonë ka mbajtur disa mantenuta në Teqenë e tij.
2. Gjeneral Deivis, kreu i Misionit Ushtarak të Aleatëve në Shqipëri e ka takuar disa herë Baba Fajën. Një ditë gjeneralit i humbi xhaketa dhe askush nuk e dinte se ku ndodhej. Por kur bëri një vizitë të papritur Teqesë së Martaneshit, ai u befasua kur pa se xhaketën e tij të humbur e kishte veshur Baba Faja.
3. Baba Faja është një njeri i pashkolluar dhe injorant i kallëpit të Myslym Pezës. Komunistët e kanë shfrytëzuar si kanë dashur. Tani ky njeri është kolonel i ushtrisë nacionalçlirimtare, një komandant dhe sikur të mos mjaftonte kjo, një nga njerëzit kryesore të Kryqit të Kuq Shqiptar. Sipas Radio Tiranës ai është dërguar në Korçë për të organizuar degën e Kryqit të Kuq.
Me poshtë po botojmë të plote plotë raportin e shërbimit sekret britanik mare “The National Achives” nga fondi i klasifikuar sekret me kodin HS 5173 .
