Ministrja e Shëndetësisë, Ogerta Manastirliu ka deklaruar se lajmi për vdekjen e mjekut Hysni Shkjau i ka trishtuar të gjithë. Nëpërmjet një postimi në Facebook, ajo shprehet se mjeku nuk mundi të fitonte betejën me COVID-19.
Postimi i plotë:
Më trishtoi pa masë lajmi për ndarjen nga jeta këtë mëngjes e dr. Hysni Shkjaut, mjekut të përkushtuar, që shërbeu pa u lodhur dhe nuk u nda për asnjë ditë nga banorët e komunitetit në zonën e Qafë-Malit në Pukë! Ndarja nga jeta e dr. Hysniut është një dhimbje e madhe për të gjithë ne, për familjen, për kolegët, për banorët e zonës së Pukës, ku shërbeu për 40 vite me përkushtim e profesionalizëm. Dr. Hysniu nuk mundi ta fitonte betejën me virusin e rrezikshëm, megjithë përpjekjet e mjekëve, të cilët bënë të pamundurën për ta mbajtur në jetë në spitalin infektiv. Ngushëllime të sinqerta familjes dhe kolegëve! U prehsh në paqe doktor Hysniu!
Ditën e sotme, ka ndërruar jetë mjeku Hysni Shkjau, 69 vjeç, i cili vinte nga qyteti i Pukës. Ai po merrte trajtim në spitalin Infekvi, ndërkohë që vuante nga sëmundje bashkëshoqëruese. Shkjau kishte 40 vite eksperiencë në mjekësi. Së fundmi shërbente si mjek familje në qendrën shëndetësore të Qafë-Malit në Bashkinë e Fushë-Arrëzit në Pukë.
g.kosovari
