Kryeministri Edi Rama, nga Ministria e Mbrojtjes, ku po mbahet një ceremoni me rastin e festës së 29 Nëntorit, datë kur u Çlirua Shqipëria, deklaroi se kjo festë përkon me “Vitin e Skenderbeut”.
Kreu i qeverisë theksoi se të rinjtë shqiptarë duhet të kujdesen për kujtimin e luftës, ndërsa shtoi se ata janë viktima të tundimeve radikalizuese. Teksa u ndal tek dekorimi i 4 ushtarakëve, ku medaljet e nderit u dhanë nga ai, Rama tregoi ndjesitë e tij se ishte prekur kur dëgjoi ushtarakët që gjithçka e bënin për Shqipërinë.
“Nuk ka shembull më kuptim plotë dhe solid në fushën e jetës shoqërore që dhanë këta ushtarakë që morën vlerësim simbolik, i cili nuk ka si të thotë mjaftueshëm për sakrificat e tyre. Ishte vërtetë prekëse që të dëgjojë prej tyre pas marrjes së dekoratave që t’i thonin ministres: ‘I shërbej Shqipërisë’.”, tha Rama.
Xhaçka dekoron 4 ushtarakë
Në festimet e Ditës së Çlirimit, Ministrja e Mbrojtjes Olta Xhaçka në një takim me ushtarak ka vendosur që në këtë ditë të shënuar të dekoroj katër ushtarakë. Sipas ministres këta rreshter nuk janë me grada të larta apo të shquar, por ata kanë bërë vepra të mëdha për shpëtimin e jetëve të njerëzve. Po ashtu ministrja theksoi se vepra që kanë bërë këta ushtarakë, janë shumë më të mëdha se medaljet që ata po marrin. Xhaçka theksoi se në këto festime ajo vendosi që ta ushtroj ndryshe autoritetin e saj si ministre.
Të dekoruarit
Shpëtim Balla
Fatjon Lulja
Ervin Todo
Esmeralda Murati
