“Shënova në shtëpi teme!”. Kështu shprehet me humor Bekim Balaj, autori i golit që i dha fitoren Shqipërisë në ndeshjen e sotme me Maqedoninë.
Në një prononcim për TVSH, Bekim Balaj, u shpreh i kënaqur që, goli i tij i sotëm është i pari për eliminatoret e Botërorir, Rusi 2018. “Të them të drejtën, është goli im i parë për eliminatore dhe gjithë ajo vështirësi që po kalonte kjo ndeshje, nuk na falej të iknim në shtëpi pa pikë” tha ai raporton BW.
I pyetur nëse De Biazi duhet të formojë një skemë ku sulmuesit Balaj e Sadiku të jenë bashkë sesa një Gashi në lojë, Balaj u shpreh se: “Me Sadikun kemi shumë gola e ndeshje bashkë. Misteri e di më mirë këtë punë, Sadiku e Cikalleshi, Gashi e të gjithë mund të shënojmë shumë pikë bashkë”.
Por Balaj tregon se, nëse ndeshja do të kishte vijuar, Shqipëria do të kishte humbur me siguri.
“Kushtet atmosferike na favorizuam ne, po humbnim një lojë që e kishim në kontroll ne, dhe po e humbnim në pjesën e dytë. Ishte më mirë që nisëm sot, dhe fituam sepse ishim më mirë”./a.m.
