Mario Balotelli është rikthyer në fushën e blertë dhe ka arritur që të shënojë në debutim te Monza. Me prekjen e parë të topit, sulmuesi ia ka dalë që të realizojë në minutën e 4 kundër Salernitanës, ekipit që pjesën më të madhe të aksioneve i zotëron Lotito.
Padyshim që për Balotelin kjo është nisja e duhur, pavarësisht se e sheh veten në Serinë B dhe në një kampionat që nuk i rri përshtat. Por planet e Monzës janë për të qenë pjesë e elitës së futbollit në sezonin e ardhshëm, ndërsa aktualisht është Salernitana që e mban vendin e parë. /Sport Ekspres/
