Mëngjesin e sotëm ndërroi jetë pacienti i shtruar në spitalin Infektiv, i konfirmuar me COVID-19, i cili ishte në gjendje të rëndë, në respirim të drejtuar në reanimacion.
Pacienti 66-vjeçar, kishte komplikacione të rënda, bën të ditur në një komunikatë zyrtare ministria e Shëndetësisë.
66-vjeçari nga Lushnja prej disa ditësh ishte i shtruar në shërbimin Infektiv, në gjendje të rëndë.
Pacienti vuante nga disa sëmundje shoqëruese: insuficenca kardiake, edemë pulmonarë dhe insuficencë renale.
Ky është rasti i dytë i viktimave në Shqipëri. Para disa ditësh ndërroi jetë një grua në Durrës e prekur nga koronavirusi.
Deri tani raportohen zyrtarisht 55 të prekur nga infeksioni i rrezikshëm.
g.kosovari
