Ish-presidenti Bamir Topi është dorëhequr sot nga forca politike e krijuar prej tij dhe të cilën e drejtoi për tre vite. Vendimi në fjalë duket se nuk ka nevojë të sqarohet publikishit nga ish kryetari i Frymës së Re Demokratike. Lëvizjet e fundit të numrit dy të kësaj force, duket se shpjegojnë mënyrën se si është marrë edhe vendimi për koalicion me Lulzim Bashën.
I kryqëzuar orët e fundit për koalicion me ata që e cilësuan si ‘horr bulevardi’, duket se Topi nuk ka lidhje me bashkimin e partisë së tij në kampin opozitar. Ka qenë numri dy i FRD, Sali Shehu, i cili e ka vizituar selinë e PD-së plot tre herë mbrëmjen e djeshme në nëgociata të zgjatura me Bashën.
Madje, firmosja e koalicionit është bërë nga Sali Shehu dhe jo me nënshkrimin e Topit. Kjo duket se e ka shqetësuar ish-presidentin, i cili për të mos bllokuar më tej ambiciet politike të miqve të tij ka zgjedhur të largohet vetë nga drejtimi i partisë dhe duke u distancuar vët nga përgjegjësia politike.
Vendimi i largimit duket i drejtë për aq kohë sa një ish-president nuk mund të ketë ambicie për t’u rikthyer si deputet. Tani mbetet për t’u parë sa do ta njohë KQZ-ja firmën e Shehut në marrëveshjen e partive opozitare.
(JavaNews)
E ka bërë Mehmeti në kokë të vet, thoshte Pal Vata….