Akuzave të PD përmes deputetes Arbiola Halimi u është përgjigjur në një reagim Ministria e Shëndetësisë.
Ministria e Shëndetësisë shprehet se Partia Demokratike është duke përsëritur për të disatën ditë rresht të njëjtin pretendim, për të cilin ka marrë përgjigje të hollësishme nga Ministri.
“Nëse edhe pas përgjigjes me fakte dhe argumente, Partia Demokratike vazhdon të hedhë të njëjtën baltë, nuk mbetet asgjë tjetër, përveçse të mendosh se alternativa e vetme e PD-së është të përsërisë të njëjtat shpifje çdo ditë”thuhet në deklaratën e MSH.
Ndërsa vazhdon më tej duke deklaruar se “Kemi punë për të bërë dhe nuk kemi kohë të merremi me baltën e SHQUP-it, për të cilën kanë marrë përgjigje.
Nëse ata nuk kanë punë tjetër, veçse të përsërisin shpifjet e tyre çdo ditë, ne kemi ende shumë për të bërë për ta nxjerrë shëndetësinë nga humnera ku e ka zhytur PD”mbyllet reagimi i Ministrisë.
