Prokuroria e Posaçme Anti- Korrupsion ka nisur zyrtarish hetimet për shembjen e Teatrit Kombëtar.
Ervin Kondili është caktuar prokuror i çështjes.
Mësohet se Kondili ka nisur nga puna dhe ka sekuestruar të gjithë dokumentet nga Bashkia Tiranë për procedurën e ndjekur për shembjen e dy godinava të Teatrit Kombëtar dhe Teatrit Kombëtar Eksperimenal “Kujtim Spahivogli”.
Prokurori hetimet i ka nisur pas kallëzimit të bërë nga Aleanca për Mbrojtjen e Teatrit, e cila ka dorëzuar dy padi, të cilat tashmë janë bashkuar.
Aleanca për Mbrojtjen e Teatrit kishte planifikuar që sot, së bashku me rreth 2000 aktivistë, në orën 11:00 të shkonin para SPAK, për t’i bërë presion për nisjen e hetimeve për shembjen e Teatrit, raporton report tv. Mbetet për t’u parë se si do të vijojë aksioni i kësaj Aleance , pas këtij zhvillimi.
g.kosovari
